Symptoms of allergic rhinitis
एलरजनहरुको सम्पर्कमा आउने बित्तिकै एलर्जीक राइनाइटिसको लक्षणहरु देखिन थाल्छन् । जुन सजिलै सँग पहिचान गर्न सकिन्छ।
प्रारम्भिक अवस्थामा देखा पर्ने केही लक्षणहरु यस प्रकार छन् :
- विशेष गरी बिहानको प्रारम्भिक समयमा दोहोरिएर छींक वा हाच्छिउं आउने
- नाकबाट पातलो सिंगान बग्नु र पातलो नाकको स्राव (पोस्ट नोजल ड्रिप) जसले घाँटी दुखाउँछ ।
- आँखा चिलाउने र आँखाबाट पानी बग्ने
- कान, नाक र घाँटी चिलाउने
पछि विकास हुन सक्ने लक्षणहरूमा यस प्रकार छन्:
- नाक बन्द हुने
- टाउको दुख्ने
- थकाई लाग्ने र चिडचिड हुने
- कान बन्द हुने
- गन्ध शक्तिमा कमी हुने
समयको क्रमसँगै एलर्जन्सले तपाइँलाई कम असर गर्न सक्छ र तपाइँका लक्षणहरू पहिले भन्दा कम हुन सक्छन् ।
एलर्जीक राइनाइटिस र साधारण रुघा (Allergic Rhinitis vs Common Cold)
कतिपय एलर्जीक राइनाइटिस र साधारण रुघाका लक्षणहरू मिल्दाजुल्दा हुन्छन् । यिनका लक्षणहरूमा केहि भिन्नताहरू छन् जसले तपाईंलाई यी दुई बीचको भिन्नतामा छुट्याउन मद्दत गर्दछ ।
एलर्जीक राइनाइटिस (Allregic Rhinitis) | साधारण रुघा (Common Cold) |
एलरजनहरुबाट हुन्छ | किटाणुहरु बाट हुन्छ |
यसमा साधारणतया ज्वरो र शरीरको दुखाइ हुँदैन | यसमा ज्वरो र शरीरको दुखाई हुन्छ |
नाकबाट आउने सिंगान वा खकार सफा र पानीदार हुन्छ | नाकबाट आउने सिंगान वा खकार पहेलो वा हरियो र बाक्लो हुन्छ |
हाच्छिउं वा छींक आक्रमण कम हुनु अघि तपाइँलाई धेरै पटक हाच्छिउं वा छींक आउँछ | हाच्छिउं वा छींक विरलै आउँछ, र सामान्यतया एकै समय मा केहि हाच्छिउं वा छींक मै सीमित हुन्छ |
आँखा बाट धेरै पानी बग्ने गर्छ | आँखाबाट पानी बग्दैन |
लक्षणहरु केही दिन भन्दा बढी समयसम्म रहन सक्छन | लक्षणहरु केही दिनमै हराएर जान्छन |
एलर्जीक राइनाइटिसको कुनै वा सबै लक्षणहरु देखिएमा, त्यसको सही उपचार र निदानको लागि चिकित्सकलाई सम्पर्क गर्न आवश्यक हुन्छ । किनकि यसले दम, कानको संक्रमण वा समस्या र पिनास (sinusitis) जस्ता जटिलता निम्त्याउन सक्छ यसैले समयमै एलर्जीक राइनाइटिसको उपचार आवश्यक छ ।